Kamilah y Abigail lo inicia awe diamars

Kamilah y Abigail Dammers lo inicia awe diamars na e competencia individual na e Weganan Suramericano Asuncion 2022.

Despues di a gana e medaya di Oro historico pa nos dushi isla dialuna anochi, diamars merdia ya caba ambos bolichera lo mester subi e canchanan di Strike Bowling na Asuncion pa asina cuminsa cu e competencia individual.
Mester bisa cu awe lo hunga un serie di 6 wega di 12 mientras majan diaranzon lo hunga e otro 6 weganan pa completa e serie di 12 wega.

Mescos cu e weganan di doublez, diaranzon mes lo sigui cu e buelta final unda e mihor 8 bolichernan lo sigui pa e buelta di 8 pa despues e ultimo 4 nan cu lo hunga e weganan semi-final y ultimo final.
Mas cu claro tur wowo aki na Asuncion lo ta riba Aruba mirando e prestacion sublime di e rumannan Kamilah y Abigail Dammers cu a conkista e Oro den e ASU2022.

Hopi exito Kam y Abi.