Asunción2022News

Un resumen di e conkista di e medaya di Oro den bowling

Kamilah Dammers y Abigail Dammers tabata bon posiciona pa drenta e playoff di ocho

Un resumen di e conkista di e medaya di Oro den bowling pa Kamilah Dammers
Diaranzon merdia, tanto Kamilah Dammers y Abigail Dammers tabata bon posiciona pa drenta e playoff di ocho den e bowling femenino na Asuncion, Paraguay. Ambos bolichero di Aruba a inicia bon na e restante di e 6 weganan cu tabata falta cu Abigail na un di seis lugar y Kamilah na di prome lugar. Mucho no a cambia te na di ultimo wega cu Abigail bahando un puesto y finalisa como number 7.

PLAYOFF DI OCHO(Octavo di final)
Den e playoff di ocho, Kamilah como number 1 clasifica a enfrente Karen Marcano di Venezuela y aki sin duda e sorpresa grandi di e torneo a hera pasa unda e venezolana por poco a sorprende Dammers. Algun strike na final di e di tres wega a pone Kamilah vence Marcano y avansa pa e semi-final. E wega aki a finalisa super close.
Pa loke ta Abigail esaki a perde contra Juliana Franco den dos di e tres weganan hunga y ta keda elimina.
SEMI-FINAL

Den e buelta semi-final, Kamilah a enfrenta Clara Guerrero cu ta un ex-campeon mundial di bowling femenino. Aki Kamilah a tira tres wega sublime principalmente e prome dos weganan cu un promedio di 235. Aki Kamilah den forma convincente a logra yega e gran final bowling femenino na Asuncion.
FINAL

Den e gran final, Kamilah ta hunga contra di Juliana Franco cu a gana Abigail den e ronda di ocho. Mester bisa cu apesar Franco ta gana dos di e tres weganan hunga, e cantidad di diferencia di pin a duna Aruba e ventaha. Na final Kamilah ta vence Franco pa un diferencia di 14 pin.

SANTIAGO 2023
Mirando e actuacion sublime di Kamilah y Abigail Dammers na e Weganan Suramericano Asuncion 2022 esaki a duna ambos bolichero di Aruba e pase automaticamente di clasificacion pa e Weganan Panamericano 2023 cu lo tuma lugar otro anja na e ciudad di Santiago de Chile.

Pabien Kamilah, Abigail, coach Chris, ARBAS y e deporte di Aruba.

Related Articles

Back to top button