A inicia Proyecto Preparacion Fisico

Awe a inicia cu e Proyecto di Preparacion Fisico, unda cu despues di un proceso largo di entrevista un gran cantidad di candidato cu a aplica y pasa door di un proceso di seleccion intensivo, 5 entrenador local a cuminsa duna entrenamiento di preparacion fisico ademas di hasi controlnan tecnico cu atletanan cu ta forma parti di e grupo di atletanan riba lista di Comite Olimpico Arubano.

E importancia di un bon preparacion fisico ta un di e desafionan mas grandi cu e federacionnan a identifica, y por medio di un programa special di PANAMSPORTS, COA a logra haya fondonan specificamenta pa e proyecto aki, y asina duna un ayudo adicional den un forma tecnico.