Gobernador di Aruba a bishita e oficina di Comite Olimpico Arubano

Gobernador Boekhoudt a haya un guia door di e edificio combina cu un splicacion breve y detaya di henter e proceso di trabou na e oficina cu a culmina na Maart ultimo durante e bishita di president di IOC, sr. Thomas Bach.

Prome a splica su excelencia e meta tras di henter concepto parti pafor di e edificio di COA, incluyendo e bunita obra mural unda a resalta cu tur hende, sin mira destincion di genero, rasa, color of religion por praktica deporte na Mundo. Paden su excelencia a haya un splicacion di cada mural den e oficina, cada parti cu un storia impresionante su tras. Paden su excelencia a haya un splicacion di cada mural den e oficina, cada parti cu un storia impresionante su tras. Tambe Gobernador Boekhoudt a sinta cu e directiva di COA, e direccion di deporte, e direccion di desaroyo y e presidente di e comision di atleta cu tambe ta forma part di e directiva, unda a elabora riba e trabou cu comite ta eherce y ehecuta pa añas na bienestar di nos atletanan y e deporte local.

Por ultimo Comite Olimpico Arubano a haci entrega di un bunita obsekio den forma di un pin cu ta identifica Aruba na tur e weganan bishita na Su Excelencia Gobernador Boekhoudt.