Atleta y docente di Movecion y Salud, Juliandrah Rodriguez lo atende e Young Olympic Ambassador na Olympia, Grecia
Awe diahuebs e atleta di coremento y alabes docente educacion fisica na Mon Plaisir Basisschool, Juliandrah Rodriguez a biaha pa Grecia unda pa un siman largo e lo ta presente na e session di Young Olympic Ambassador organizá pa International Olympic Academy.
Den un combersacion cortico sosteni cu Juliandrah, e la conta nos cu e meta ta pa trece conocimento y ideanan nobo pa Olimpismo na Aruba y asina keda mehora y desaroya deporte riba nivel. Tambe lo intercambia opinion y ideanan relaciona cu e Movimiento Olimpico pa asina trece ideanan innovativo y praktiko bou di nos comunidad, specialmente esnan mas serca di e deporte.
Na Grecia lo conoce mas di nan cultura y unda e Olimpismo a nace. Es mas, lo ricibi presentacion nan di diferente atletanan Olimpico cu lo elabora riba nan experiencia na e Weganan Olimpico.
COA kier desea Juliandrah tur clase di exito na Grecia.
