News

Resultado eleccion Comision Atleta

Atletanan a elegi miembronan nobo

Atletanan a eligi miembronan di Comision di Atleta.

Dialuna atardi, COA a tene un conferencia di prensa pa amuncia e resultado final di e eleccion di e Comision di Atleta.

Representantenan di COA a splica riba e importancia di e Comision di Atleta unda e presidente eligi lo tin un puesto den e directiva actual di COA. E miembronan eligi den dicho Comision lo ta pa un periodo inicial di 2 aña. Despues lo eligi miembronan nobo, cu lo wordo eligi pa un periodo di 4 aña.

CRITERIANAN

Mester bisa cu a bin cu varios criteria pa e atletanan cu a pone nan mes disponibel pa forma parti di e comision di atleta. Tur e candidatonan a cumpli cu e rekistonan aki.
Mescos ta conta tambe pa e atletanan cu por a forma parti di e votacion.

CONSTELACION COMISION DI ATLETA

E comision ta consisti di minimo 3 y maximo 5 atleta. Maximo 2 atleta cu ta residencia den exterior por bira miembo extra-ordinario (no por bira presidente). Presidente di COA por nombra maximo 2 persona den e comision

VOTACION

Mester bisa cu e votacion a tuma lugar pa medio electronico. E eleccion a tuma lugar durante e periodo di 29 di oktober te cu 4 di november. Un total di 85 atleta a cumpli cu e rekisitonan stipula den e Reglamento, pues a ser permiti pa participa na e eleccion.

Notable ta cu 7 candidato a postula nan mes pa eleccion y pues ta interesa pa ocupa un puesto den e Comision di Atleta. E resultado final ta como lo siguiente:
1. Kyra Hoevertsz: 35 voto
2. Kamilah Dammers: 33 voto
3. Amanda Maduro: 30 voto
4. Allyson Ponson: 30 voto
5. Jordy Groters: 28 voto
6. Quincy Breell: 23 voto
7. Jemal Le Grand: 22 voto

E resultado aki ta implica cu 4 candidato a ser eligi como miembro regular di e comision mientras cu 2 candidato a ser eligi como miembro extra-ordinario. E miembronan regular ta miembronan cu ta residencia na Aruba. E presidente di e comision lo ser eligi for di e miembronan aki. E presidente lo haya un puesto ‘ex-officio” den directiva di COA.

CONSTELACION NOBO:
E constelacion di e Comision di Atleta ta bira awor:
Miembro regular
1. Kamilah Dammers-Naddall
2. Amanda Maduro
3. Allyson Ponson
4. Quincy Breelll

Miembro extra-ordinario (ta biba den exterior)
1. Kyra Hoevertsz
2. Jordy Groters

Nos ta desea tur clase di exito na e Comision di Atleta di COA.

Related Articles

Back to top button