News

COA di bishita na Centro Deportivo Playa

Hunto cu DVG, FFD y IBISA COA a bishita Colegio Arubano

Bishita di COA hunto cu DVG, FFD y IBISA Aruba na Centro Deportivo Playa(Colegio Aruba)

Diahuebs anochi, Comite Olimpico Arubano hunto cu Directie Volksgezondheid, Fundacion Facilidadnan Deportivo y IBISA a haci un bishita di cortesia y tambe di control na e federacion di badminton, Aruba Badminton Bond kendenan ta e di dos federacion cu a haci entrega di nan protocol pa e normal nobo cu tur federacion mester a traha.

Prome Sr. Franklin Abath di Stichting CDP a duna un splicacion di e acomodacion conoci tambe como gymzaal di Colegio Arubano. Mester bisa cu ainda tin cu haci algun cambio na e acomodacion. Su persona a elabora riba covid y su efectonan mientras siman pasa a habri e salanan. E inicia cu e parti sanitario y camerin mientras e coolers no a sera paso Colegio Arubano ta haci uso di esakinan. Varios huisregels a cambia of bini acerca, manera e uso di bo mesun boter. Tambe deportistanan so por drenta, mayornan no. Tin handsanitazer na porta, unda COA lo yuda cubri e gastonan di handsanitizer. Tur 24 federacionan miembro di COA a haya un budget pa por ehempel cumpra y bestel handsanitizer/flyers/pijltjes abou. E plan di mas grandi ta pa cambia luznan pa led

Tambe e comision a haya un paseo den henter e sala unda a inspeciona e baƱonan, 3 diferente sala unda ta practica deporte. Na final a reunie cu e diferente coachnan di badminton pa asina wak kiko a ser hasi pa yuda e atletanan pa cuminsa cu nan deporte.

Mas den siman e Comision lo bishita BMX na Streetwise.

Related Articles

Back to top button