anti-doping newsNews

Comision Anti-Dopahe cu charla

Dia 21 di oktober ta tuma lugar un otro sesion di anti-doping

Comision Anti-Dopahe a tene charla riba e tema anti-doping

Comision Anti-Doping di Aruba a continua cu su programa di charla pa federacionnan. Riba dialuna 21 di oktober comision anti-doping di Aruba a duna un charla di anti-doping pa atletanan di federacion di sailing. Pero cu satisfaccion a constata cu tabata presente tambe otro atletanan, mayor y coach di otro deporte manera coremento, karate y softball (ekipo Lady Tigers), mountain bike, landamento y atletismo

E charla a wordo duna pa sr. O’Neil Romero un Doping Control Officer y sr. Patrick Werleman cual ta e actual presidente di comision anti-doping.

Durante e charla a repasa e temanan importante di anti-doping, esta e proceso di testing, Anti-Doping Rule Vioalations, e Therapuetic Use Exemption, Whereabouts y (peliger di) uzo di suplmento.

Na final di e charla e participantenan a keda hopi satisfecho cu tur informacion cu nan a haya y a expresa nan gratitud pa e charla aki.

Comision anti-doping tambe a keda masha satisfecho cu e manera activo cu a participa na e charla y ta gradici tur esnan cu a atende e charla y ta stimula tur otro organisacion cu tambe kier haya mas informacion tocante anti-doping pa tuma contacto cu comision anti-doping. Mester bisa aserca cu pa e aña 2019 lo tin 1 charla mas pa Mountain Biking cu tin riba e programa. Pero si un organisacion kier e aña aki ainda, nan por pidi Comision Anti-Dopahe

Riba e website di Comite Olimpico Arubano (tab Anti-Doping) por haya mas informacion y tambe por tuma contacto direct cu comision anti-doping via tel. 582-0031 of via Instagram of FaceBook: antidopingaruba

Tags

Related Articles

Close