Uncategorized

Dia importante pa Aruba

Aruba cu posibilidad pa diferente medaya na Rosario

Un dia importante pa Aruba den e deporte di Beach Tennis aki na Rosario

Despues di 13 dia di competencia aki na Rosario, awe Aruba ta para den 2 final y lo hunga pa 4 medaya den total .

Den singles Aksel lo bai hunga e partido pa di 3 y 4 lugar. Aksel lo bai enfrenta Alejandro Machado di Venezuela. E wega aki ta programa pa start 10or di mainta aki na Rosario. Si Aksel gana e partido aki e lo gana e medaya di Brons pa Aruba.

Despues ta sigi e duo masculino di Beach Tennis, Aksel Samardzic hunto cu Sander Castro. Nan lo tin di enfrenta e team di Cardozo Ferreira y Hales Oliveira Santos di Brazil. Wega ta programma pa start rond di 12or, ora di Rosario aki na Argentina.

E duo di damas tambe lo bai hunga pa e di 3 y 4 lugar. Dominique y Maud lo tin di enfrenta e team di Argentina cu ta consisti di Jessica Oselli y Allin Wirth. Mescos cu Aksel e duo mester gana pa asina por sigura e medaya di Brons pa Aruba. E duo ta programa pa start nan wega pa 12or di merdia.

E duo Mix di Aruba cu ta Dominique Hopman y Aksel Samardzic lo bai enfrenta e team di Brazil cu ta consisti di e atletanan Thailes Oliveira Santos y Rafaella Adriana Miller. Wega aki lo start despues di 2or di atardi.

Back to top button