Buenos Aires 2018News

Giannon a competi na Buenos Aires

Un bon experiencia pa e hoben tri-atleta

Bon experencia Olimpico na Buenos Aires pa hoben tri-atleta Giannon Eights

E hoben tri-atleta tambe a mira accion dialuna mainta den e Weganan Olimpico Hubenil na Buenos Aires, Argentina. Giannon a cuminsa cu su trajectoria den e Green Park unda e mester a landa 750m, core bicicleta 20km y finalisa cu coremento na pia un recorido di 5km.

Mester bisa cu Giannon a sinti su mes bon mei mei di tur e top atletanan hubenil di nivel mundial. Mayoria tabata 1 aña y mei mas grandi cune. E landamento y coremento na pia a bay bon mientras e bicicleta y landamento por a bay mas mihor. Giannon a landamento e pacour den 10minut y 31seconde, e parti di bicicleta e la core den 32minut y 02 seconde mientras e coremento na pia e la finalisa esaki den 18minut 53seconde. Giannon finalisa e trajectoria den 1ora 2 minut y 34 seconde bon pa un di 31 overall.

E ganador overall tabata Dylan McCullough di New Zealand cu a finalisa e competencia den 53minut y 27seconde.

E experencia sigur tabata uno bon pa Giannon, e hoben tin un futuro prominente su dilanti den e deporte aki. Giannon tabata un di esnan mas hoben durante e competencia di triathlon na Buenos Aires.
Diaranzon Giannon lo competi den un relay internacional cu Merca, Peru y US Virgen Island

Keda pendiente pa un entrevista realisa xune hoben Giannon Eights y su coach Nicolas Robert.

Tags

Related Articles

Close