Lima2019News

Hillard no ta logra termina su careda

Un fayo na su bicicleta a pone cu e no por a caba

Un fayo na su bicicleta a pone cu Hillard Cijntje no a logra caba su careda di Ruta den e Weganan Panamericano Lima 2019

Diasabra merdia, e ciclista Hillard Cijntje a cuminsa na su careda di ruta den e Weganan Panamericano 2019 na Lima, Peru. Despues di a core den e careda di pista y despues tambe e careda contra holoshi, Cijntje a core su di tres evento den e Panamericano aki.

Mester bisa cu na comienso tur cos tabata cana bon y Cijntje a sinti su mes comfortabel den e peleton pero un “accidente”(dal den buraco) cu su bicicleta a pone cu Cijntje mester a para completo y drecha loke a los esta su sienta. Aki Hillard a perde hopi tempo unda a bira dificil pa yega bek e peleton cu tabata core riba un velocidad halto. Tur esaki a pasa faltando 4 buelta mas pa bay.

Cijtnje mes a declara riba e hecho lamentable aki.

“Un dia desafortuna pami ora cu mi a dal den un buraco bayendo 80km pa ora den un bahada cu a haci cu mi sienta a los. Mi mester a warda a largo pa nos auto yega pa asina nan tight e back pami. E auto “Shimano” a purba yudami pero nan mecanico no a logra. Nan a bisami mihor mi para pa dreche y nos auto tabata net nos tras y coach Aldrick Maduro a logra soluciona e problema. Pero mi mester a yega bek na e peloton sin ningun asistencia cual tabata un tarea imposibel mirando cu nos tabata core full speed for di comienso”, Cijntje a scirbi.

Tags

Related Articles

Close