Un colaboracion di mas di 20 aña unabes mas concretisa

Comite Olimpico Arubano y Ernst & Young Aruba ta firma un acuerdo di colaboración

Diabierna ultimo na oficina di Comite Olimpico Arubano na Vondellaan, un momento significativo pa ambos partner den e acuerdo aki a tuma luga, unda cu unabes mas a concretisa e “partnership” entre Comite Olimpico Arubano y Ernst & Young Aruba. Durante mas di 20 aña di ta partnernan den e ramo di administración, pa e di tres biaha den e trayectoria aki a firma un acuerdo pa asina establece y duna mas contenido na e partnership aki.

Den e video aki por haya mas información, unda presidente di COA, señora Wanda Broeksema y Partner di EY Aruba, Señor Garrick de Cuba ta splica den detayes e importancia di e acuerdo di colaboración aki.