News

Glennon Eights lo sigui curso ICECP

E curso ta ser organisa pa Olympic Solidarity

Coach Glennon Eights lo sigui e curso di International Coaching Enrichment Certificate Program.

E curso di ICECP program ta wordo organisa pa Olympic Solidarity y Comite Olimpico Mericano (USOC). E ta un curso online y mester atende cu cierto pasantia y tareanan na Colorado Springs, caminda e oficina principal di USOC ta situa. Mirando cu coach Glennon Eights ta bini di e mundo di triathlon, actualmente su persona ta na e ciudad di Tempe, Arizona, pa asina haci su pasantia cu e ekipo nacional masculino di triathlon di Merca.

Diasabra benidero Eights lo biaha pa Colorado pa asina sigui cu su tareanan. Mester bisa cu aserca cu Eights a scohe como su topico di estudio “Long Term Athlete Development” basa riba e cultura y structura di e programa di scolnan na Aruba, e focus lo ta riba nos hobennan. E curso ICECP a inicia dia 14 di augustus ultimo y lo termina den luna di April 2020. Na e momento ey Glennon Eights lo haci un presentacion y defende su tesis den e proyecto cu ela desaroya. Esey lo tuma lugar na e oficina principal di Comite Olimpico Internacional na Lausanne, Suisa.
Comite Olimpico Arubano ta contento di por hasi un inversion den desaroyo di nos profesionalnan y asina mehora deporte pa nos pais.

Related Articles

Back to top button