anti-doping newsNews

Dos caso di violacion regla anti-doping na Aruba

Veredictonan ta conoci den dos caso di violacion anti-doping

Recientemente a keda publica e veredictonan final den dos caso di violacion di regla anti-doping na Aruba. Conforme regla di e World Anti-Doping Code Comite Olimpico Arubano tin e deber pa publica e sentencianan aki.

Baseball
E prome caso ta un caso di un atleta local di baseball cu a nenga di coopera cu e proceso di doping control. Esaki a constitui un violacion di regla anti-doping segun stipula den e World Anti-Doping Code y reglanan anti-doping domestico. Consecuentemente e atleta a wordo sanciona pa un periodo di ineligibilidad di cuater (4) aña.

Despues di a haya e sentencia e atleta a opta pa bringa su caso den prome instancia pero aki a mantene e sancion. Despues di esaki e atleta a cuminsa e proceso di apelacion pero el a discontinua esaki cu consencuencia cu e Regional Anti-Doping Organization (RADO), cu tabata e Results Management Authority, a confirma e violacion ye sancion segun a wordo stipula den prome instancia.

Pues asina e keda confirma cu e atleta di baseball, Aigil Brete, ta wordo sanciona na un periodo di ineligibilidad di cuater (4) ana. Segun stipulacion di e Code y regla anti­doping domestico, Aigil Brete, durante e periodo di su ineligibilidad no ta permiti pa eherce ningun deporte den ningun capacidad. Aigil Brete su periodo di ineligibilidad ta termina riba 4 di juli 2024.

Aigil Brete su periodo di ineligibilidad ta termina riba 4 di juli 2024.

Muay Thai
E otro caso local di violacion di regla anti-doping ta un caso di un atleta di Muay Thai cu, despues cu haci e doping test durante un evento local, laboratorio a confirma presencia di substancianan prohibi (entre otro steroids) den su urina. Esaki a constitui na un violacion di regla anti-doping segun stipula den e Code y reglanan domestico anti-doping. A base di e violacion aki e atleta, Fagner Alexander Geraldo Pereira, a wordo sancciona na un periodo di cuater (4) ana di ineligibilidad. E atleta no a haci uzo di su derecho pa bringa e sentencia apesar cu a dune varios oportunidad pa haci tal. Pues consecuentemente e sentencia a bira oficial.

Segun stipulacion di e Code y regla anti-doping domestico, Fagner Alexander Geraldo Pereira, durante e periodo di su ineligibilidad, no ta permiti pa eherce ningun deporte den ningun capacidad.

E periodo di ineligibilidad di Fagner Alexander Geraldo Pereira ta termina riba 14 oktober 2023.

Related Articles

Check Also
Close
Back to top button