News

Jan Roodzant a bai Grecia

Jan a participa na 4 session Medayistanan Olimpico y Olympiers

Ex-atleta Olimpico, Jan Roodzant a bishita e di 4 session Medayistanan Olimpico y Olympiers na Grecia

Di 2 pa 9 di juli ultimo a tuma lugar na Olympia, Grecia e di 4 session medayistanan Olimpico y Olympiers. Olympia ta un cuidad unda e prome Weganan Olimpico a tuma lugar esaki prome cu e era di Christo. E ruinanan ainda ta visibel y cada 2 aña e candela Olimpico ta wordo sendi pa asina cuminsa su recorido largo pa e cuidad unda e proximo Weganan Olimpico lo tuma lugar.

Durante di e session nan diferente lectura a wordo teni duna pa specialistanan cu sa di e historia di e Weganan Olimpico, e influencia di e media, e obstaculonan cu atletanan por encontra, e rol di e atletanan elite despues y durante nan carera.

Na banda di esaki e atletanan y ex-atletanan ta discuti riba e problemanan actual y con cu nan posicion como role model por resalta miho pa asina e spirito y pensamento Olimpico wordo traspasa pa atletanan cu un dia ta soña cu dicho weganan. No solamente riba tereno di prestacion y resultado cu ta centraal pero tambe riba tereno di enseñansa y paz. Ehempel nan ta e projectonan mundial pa promove movecion y deporte pa nos muchanan rond mundo, un muestra cu hopi por wordo logra atrabes di deporte. Un otro ehempel a ta e union cu mundo por a mira den e ultimo Weganan Olimpico di Invierno ora cu Korea Noord y Sur a participa bou di un solo bandera. Dos pais dividi pa diferencianan politico a uni atrabes di deporte.

Jan tabata masha contento di por a representa Aruba den e sessionnan aki.

Related Articles

Back to top button