News

Kenneth Vrolijk na caminda pa Buenos Aires

Hefe di Mision pa e Weganan Olimpico Hubenil, Kenneth Vrolijk a biaha pa Buenos Aires, Argentina.

E dianan 24 pa 27 di april lo tuma lugar reunion nan importante relaciona cu e ultimo desaroyonan pa loke ta e Weganan Olimpico Hubenil Buenos Aires 2018.

Dia 24 di april, Kenneth lo bishita un session parti mainta di plenaria y parti merdia lo un haya tour di e parkenan, YOV, parque Olimpico de la Juventud y Parque Verde. Tur dia lo habri cu un session plenaria pa despues bishita parkenan relaciona cu e actividadnan specialemente prepara pa e hoben atletanan, manera e parke urbano y e technopolis park.
Mester bisa aserca cu e dia 26 di april 11’or, Kenneth como CDM lo reuni cu e esnan encarga pa asina combersa riba e desaroyonan rond di e weganan cu ta concerni tambe Aruba su propio delegacion.

Den luna di oktober proximo e Weganan Olimpico Hubenil lo tuma lugar pa prome biaha den historia den e continente Sur America.

Related Articles

Back to top button