News

Atletanan di COA a participa na DodgeBall

Nan a hunga un partido contra di Maria College Mavo

Atletanan di COA a hunga un partido di “DodgeBall” contra Maria College Mavo

Como parti di e programa di Fitville 2018, IBISA a tene un competencia di DodgeBall pa scolnan avansa na Aruba. Aki Maria College Mavo a sali e ganador absoluto di e torneo entre e scolnan. Pa e motibo aki tambe a forma un team cu atletanan hoben di COA cu e enfrenta e team campeon di Maria College Mavo.

Den e team di COA nos por a mira e rumannan Chiara & Sophia Petrocchi di taekwondo y judo, e coredornan di BMX Feddison Akeem Flanders y Shanayah Howell, e atleta di long jump Quincy Breell, e atleta di high jump Willo Man Lts Wuill Vrolijk, e atleta di tennis di mesa Jeandry Mathilda y e hisador di peso Joel Kuiperi.

Sin duda e atardi aki tabata uno di goso pa tur cu a presencia esaki, un iniciativa tremendo pa laga nos hobennan sera conoci cu nos atletanan elite. Pa loke ta e resultado final Maria College a gana 4 – 0 di e atletanan di COA.

Photo Credit: COA/Seever Krozendijk

Tags

Related Articles

Check Also

Close
Close