Lima2019News

8 lugar pa Kyra y Abigail

Weganan Panamericano a termina pa landamento artistico

Kyra Hoevertsz y Abigail de Veer a keda na di 8 lugar overall den e Weganan Panamericano LIMA 2019.

E duet di landamento artistico a landa awe diaranzon nan rutina liber unda nan a saca un puntuahe di 75.0333. E duet di Aruba a haya pa nan ehecucion 22.2000, pa impresion artistica 30.1333 y pa dificultad 22.7000.

Mester bisa cu e puntuahe di rutina tecnico landa diamars y e landa di rutina liber landa awe diaranzon a wordo conta hunto cu a saca un total di 148.1481 pa Aruba bon pa un di 8 lugar overall di 12 pais participante. Diamars Aruba tabata posiciona na di 7 lugar pero diaranzon e pais di Chile a pasa Aruba unda nan a haya un punto mas halto den e rutina liber.

Pa Kyra y Abigail e Weganan Panamericano 2019 a yega su final. Pa casi un aña e duet di Aruba a prepara nan mes pa diferente competencia cu a culmina aki na Peru cu a Weganan Panamericano celebra na e ciudad di Lima, Peru.

Related Articles

Back to top button