NewsTokyo2020

Ultimo training pa Philip

Philip lo competi den e 10meter Pistol

Philip Elhage a hasi su ultimo entrenamento awe na Tokyo, Japon
Awe diabierna (Tokyo) a tuma lugar e ultimo entrenamento di nos atleta di tiro esta Philip Elhage. Diasabra pa 1or di merdia (Tokyo), cual ta 12or di anochi aki na Aruba, Philip lo ta competiendo den e 10meter Pistol. Philip ta sinti su mes hopi trankilo y tambe contento di por ta formando parti di Team Aruba den Weganan Olimpico.
Philip lo ta competiendo cu e 60 mihornan di e paisnan rond mundo, entre nan e campeon olimpico Jin Jong-Oh di Sur Korea.
Awenochi (Tokyo) lo tin e gran ceremonia di apertura cu lo start pa 8or di anochi ora di Tokyo, cual lo ta 7or dig mainta ora di Aruba. Nos kier a desea Philip tur clase di exito den su disciplina di tiro.
Tags

Related Articles

Close