NewsTokyo2020

Allyson e ultimo atleta pa competi na Tokyo

Ally a competi den e 50m free

Allyson Ponson e ultimo atleta di Aruba cu a competi den e Weganan Olimpico di Tokyo 2020

Diabierna mainta e Weganan Olimpico di Tokyo 2020 a continua cu e evento mas liher den landamento esta e 50m freestyle cu nos landado femenino Allyson Ponson. Na e Pisina Olimpico di Tokyo y apoya pa nos delegaciĆ³n di Aruba, Allyson a landa e ultimo evento pa Aruba na e Weganan di Tokyo. E disciplina di 50m estilo liber ta esun mas lihe den e deporte aki. Guia pa su coach Ismael Santiesteban, Ally a landa su di dos 50m den un Wega Olimpico, ya cu na Rio 2016, Ally a landa riba e mesun discipina aki.

Mester bisa cu Allyson a sali bon for di e posicion di salida, unda e la landa basta consistente y riba un bon velocidad, unda na final Allyson ta registra un tempo di 26.03 y ta keda na posicion number 7 den su heat. A lo largo Allyson Ponson ta keda na di 39 luga overall den 81 participante. Si nos haci un comparaciĆ³n cu e Weganan na Rio de Janeiro 2016, Allyson ta landa e 50m estilo liber den un tempo di 26.00, pues aki Allyson tabata 0.3 riba su tempo. E tempo mas lihe na Tokyo a wordo landa pa Emma Mc Keon di Australia cu 24.02 cual tabata un Olympic record.

Notable ta cu Allyson su miho tempo riba e 50m free ta 25.84, mientras e no a logra supera esaki den e Weganan Olimpico di Tokyo. Asina mes nos tin sigur cu Allyson a duna tur di su banda. Na Aruba landado, Allyson Ponson a entrena bou guia di coach Ismael Santiesteban pa e gran dia aki. Cu e ultimo competencia aki Allyson Ponson ta culmina su bunita y impresionante carera den e deporte di landamento den pisina largo. Na december, Ally lo landa e mundial den pisina corto mientras esey lo bira Ally su ultimo competencia.

Pabien y Danki Allyson.

Tags

Related Articles

Check Also

Close
Close