NewsTokyo2020

Delegacion ta reuni den e Villa

Training nan ta cla pa cuminsa

Delegacion Olimpico di Aruba a reuni den e Villa Olimpico na Tokyo, Japon
Diadomingo den oranan di anochi a tuma lugar e prome reunion di nos delegacion Olimpico na Tokyo. Na e Villa Olimpico, nos por a mira e atleta Olimpico di Tiro, Philip Elhage hunto cu Hefe di Mision, Sr. Kenneth Vrolijk y tambe e entrenador di Elhage, coach Hugo Hernandez. E staf tecnico di COA, metedologo, sra. Monica Fahardo hunto cu dr. Ricardo Vargas tambe tabata presente.
Dialuna, e atleta di tiro Philip Elhage lo start cu su prome entrenamentonan unda e lo explora e cancha di Tiro na Tokyo.
Mester bisa aserca cu Dialuna den oranan di atardi, e atletanan Olimpico, e landadonan Mikel Schreuders y Allyson Ponsen hunto cu nan coach Ismael Santiesteba lo yega Villa Olimpico na Tokyo despues di e pasa un par di dia den un campo di entrenamento na Tachikawa.
E Weganan Olimpico 2020 di Tokyo, Japon lo start dia 23 di Juli proximo.

Related Articles

Check Also
Close
Back to top button