NewsTokyo2020

Uniform nobo presenta na pueblo di Aruba

Den Telenoticia a hasi e desvelo di e uniformnan

Comite Olimpico Arubano a presenta nan uniform na pueblo di Aruba
Ayera despues cu den ora nan di atardi a sosode e Ceremonia di Despedida, e delegacion di COA a sali rumbo pa Nos Planta Nacional Telearuba. Durante e bishita aki den Telenoticia a conta cu presencia di Prome Minister demisionario di Aruba, Sra. Evelyn Wever Croes cu a desea e atleta nan cu lo representa nos Isla tur clase di exito. Secretario General di COA, Nicole Hoevertsz a elabora riba e Weganan di Tokyo 2020.
Como parti di e programa a hasi e presentacion oficial di e uniform di Ceremonia di Apertura, diseña pa Magali Maduro. Tambe na mes momento presentacion di Totto cu ta encarga cu e uniform deportivo como tambe e diseño presenta pa Juan Camilo Vasquez.
Hunto cu e atleta nan di natacion Mikel Schreuders y Allyson Ponson a papia riba nan preparacion tras di lomba y e hecho cu lo ta representando nos Isla pa di dos biaha den e Weganan Olimpico. Via videocall a logra hiba un entrevista cu e di tres atleta cual ta Philip Elhage cu lo ta den e deporte di tiro.
Pa clausura e programa e Presidente di Comite Olimpico Arubano, Sr. Roy Mezas a ricibi e bandera di Aruba for di man nan di Prome Minister di Aruba y asina su persona a traspasa e bandera aki pa Sr. Kenneth Vrolijk cu ta e Hefe di Mision pa e Weganan Olimpico. N’e momento ey Sr. Vrolijk a pasa e dos bandera nan aki pa e dos atleta nan presente cu lo ta e abanderado nan pa e Weganan Olimpico 2020.
Tags

Related Articles

Check Also

Close
Close