News

Uniforma a wordo desvela

COA a desvela e uniform pa Tokyo2020

Comite Olimpico Arubano a desvela nan uniform deportivo pa e Weganan Olimpico di Tokyo 2020
E companía Totto cu a confecciona e uniform deportivo di e delegacion di Aruba pa e Weganan Olimpico di Tokyo 2020 cu lo tuma lugar otro luna na Japon. Awe durante di e Asamblea General cu tabata uno virtual, e directiva di COA a desvela e uniform cu e delegacion lo bisti na dicho weganan. Mester bisa cu esaki ta e di 3 biaha cu e compania Totto lo bisti e delegacion Olimpico di Aruba. Tur presente a keda sumamente impresiona cu e bunitesa di e uniform cu ta uno di calidad superior y hopi moderno.
Pa e aña aki a escoge specialmente un tema pa recorda e cultura y naturalesa di nos dushi isla di Aruba. Inspira den e elementonan pre-colonial pa recorda nos nativonan sin lubida e lamanan blou cu ta haci Aruba un isla memorabel y unico.
Mester agrega tambe cu pronto e uniform aki lo ta na benta den e store di Totto y parti di e entrada lo bolbe bek pa Comite Olimpico Arubano.
Tags

Related Articles

Close