Cali Valle 2021

Kenneth a atende seminario di hefe di mission

Weganan panamericano junior Cali Valle 2021

Recientemente hefe di mission pa wega panamericano junior Cali Valle 2021, Kenneth Vrolijk a atende seminario di hefe di mission nan unda cu diferente preguntanan y observación a wordo haci.

Seminario a tuma lugar dia 24 di augustus pa 26 di augustus unda cu tur participante a haya mas informacion riba temanan di importancia pa cu e wega Panamericano Junior 2021.

Temanan cu a wordo discuti ta entre otro Covid-19, Sports and Venue, Accomodation, Transporte, Medical y Doping Control y mucho mas. Tambe tur participante a haya tour pa entre otro algun venue di e weganan.

Hefe di mission di Aruba Kenneth Vrolijk a keda satisfecho cu tur informacion ricibi durante e evento aki y aworaki ta toca turna pa informa tur futuro posibel participante na e weganan aki tur loke ela ricibi.

Weganan Panamericano Junior Cali Valle 2021 lo tuma lugar entre 25 di November te cu 5 December 2021 na Cali, Colombia.

Pronto Aruba lo anuncia su lista di atleta cu lo ta participando na e prome weganan Panamericano Junior.
Back to top button