News

Olympic Day Run 2021

Exitoso celebracion Dia Olimpico

Exitoso celebracion Dia Olimpico cu e Olympic Day Run 2021

Dobbel celebracion cu actividad deportivo den Guillermo Trinidad y Aruba Entertaintment Center. Un publico grandi(e mas grandi desde e pandemia di corona) a asisti diasabra mainta trempan den e Guillermo Trinidad y Aruba Entertainment Center pa bin presencia e Olympic Day Run 2021 cu tabata sold out cu 500 alumno di scolnan basico y secundario. Ya for di 6or di mainta a inicia cu e 3000m den stadion mientras na final di cada competencia tur e atletanan mester a acudi den Aruba Entertainment Center pa haya nan certificado di participacion, un pin di Comite Olimpico Arubano y un potret na e photo booth como recuerdo di e Olympic Day Run 2021. E alumnonan sobresaliente a ricibi nan medaya di deporte escolar. Ta bon pa bisa aserca cu ya caba tur mucha a ricibi nan T-shirt di Olympic Day na momento di registracion.

Bunita pa mira cu e dia a bira uno di intercambio y famia ya cu por a saca potret cu e antorcha Olimpico, Panamericano y Centro Americano y del Caribe. Tambe por a hunga un wega di trefbal hopi gusta bou di nos muchanan di scol. Sin duda un dia super exitoso tras di un tremendo coordinacion bou encargo di IBISA ARUBA hunto cu Comite Olimpico Arubano, Comision di Atleta di COA y Aruba Bank. No por keda sin menciona e boluntarionan cu a yuda y tambe personal di Rode Kruis, Team di Patrishi Sports, MC Roberto Geerman, DJ-nan y personal di FFD. Danki pa yuda engrandese e dia di awe pa nos muchanan.

Related Articles

Back to top button